La
Pobla de Segur herritik, N-260 errepideari jarraituz, Sort aldera
egin. 302. km-a pasa ondoren Fuente de la Figuereta izeneko
atseden-lekua aurkituko dugu. Iturria, mahaiak eta 10-15 kotxerentzat
lekua dago. Errepidearen bionda atzean dagoen bideari jarraituz
lehenengo tunelera hurbildu. Zertxobait lehenago, ezkerrean,
errepidearen beste aldean “Esperó Piru-Caba” bidea dago.
“Principiants”
eta “Eurónica” bideak dauden sektorera joateko, tunela
inguratzen duen errepide zaharra jarraitu behar da (kotxeek ibiltzea
debekatuta dute). Eguzki-plakak dituen kaseta baten parean errepideak
norabidez aldatzen du (bihurgune argia ezker aldera). Zertxobait
aurrerago, hormen goialdean, linea elektrikoaren dorrea ikusiko dugu.
Dorrearen azpian, zertxobait eskuinera, geratzen den horman aurkitzen
dira bideak. Bideen hasiera errazago aurkitzeko jakin “Eurónica”
bidea bi bionda metalikoen artean dagoen harrizko aldizkako
petrilaren aurrean hasten dela.
Paret
de Pessó eta Moles del Pessó hormetara igotzeko lehenengo eta
bigarren tunelen artean dagoen parking txikian (N-260ko 299,4 km-a,
Pobla de Segur norantzean) edo bigarrren tunela inguratzen duen
errepide zaharraren sarreran utzi behar da kotxea. Parking txikian
bidezidor bat jaiotzen da. Bide horrek, 20-25 minutuko igoera eroso
batean, errepidetik ikusten diren linea elektrikoaren bi dorreen
alboan utziko gaitu. Beste 3 minututan “Sossis i Patisants”
bidearen hasieran izango gara.
0 comentarios:
Publicar un comentario