Erromero usaina duen eskalada. Bide erraza, hasten
hasi direnentzat aproposa. Bideak erresalte segida bat kateatzen du oso modu
duinean. Arroka kalitate onekoa da eta ekipamendua ere. Ez da inongo apururik
pasatzen aseguruak nahiko gertu daude eta. Mailaz justu bagabiltza, pasagune
zailenetan A0 modura igarotzeko aukera dago.
Altura sentsazio txikia. Lagunarekin komunikatzeko
zailtasunak lehenengo hiru bilgunetan. Aurrez adostu soka bidezko komunikazioa,
gero oihuka, ezin elkar entzunez, ibili nahi ez badugu. R1 eta R2tik oinez
jaisteko aukera dago. Collbató herriaren airetiko bista oso politak.
Iristeko:
Hurrengo sarrera begiratu (Collbató).
Hurbiltzeko: Bide
zabaletik (marka zuri, gorri eta horiak) zuzen igo. Bidea dagoen espoloia erraz
kokatzen da, oso nabaria baita. Bidegurutze bat aurkituko dugu. Zuzen, aurrera,
igotzen jarraitu. Uhar lehor bat zeharkatzerakoan (8 min), mugarritxo bat
ikusiko dugu. Bidea utzi eta bidezidor arrastoak jarraituz bidearen oinarrira
hurbildu. Kotxetik, guztira, 15 min. inguru.
Tresneria
jantzi eta R0 bilguneraino igo (4 m inguruko trepadatxo bat da).
L1
(25 m, 3 aseguru, 3b). Lurretik 3-4 metrotara diagonalean igotzen
den plaka lateral etzana. Bilgunea baino lehenagoko azken 10 metroak ia oinez
igotzen dira.
L2
(30 m , 3 aseguru,
4a).
Euste leku onak dituen plakatxo bertikala. Ondoren zatitxo horizontal bat eta
azkenik beste plakatxo bertikal bat. Azken 10 metroak terrazatxo batetik oinez
egiten dira. Bilgunea sabai nabariaren azpian aurkitzen da.
L3
(25 m, 6aseguru, 5b). Plaka leun eta teknikoa hasieran.
Pasagunetxo finen bat badu, baina oso ongi babestua dago. Sabaia ezkerretik
inguratu eta pitzaduraren ezkerrean dagoen plakatik igo. Zati horizontal batera
irteten da. Hantxe arroka apur bat hautsia duen bloke handi bat dago. Bertan
bilgunera jaisteko eskuinera egin behar den zeharkaldi beherakorra babesten
duen parabolta aurkituko dugu. Bilgunea oso eskuinean dago, gure eskuinean
nabari den plakan.
L4
(30 m, 4 aseguru, 3c). Oinentzat eta
eskuentzat euste leku txiki pilo bat dituen 20 m inguruko plaka etzana.
Ondoren, bilgunea aurkitzeko, 10-15 m egin behar dira, oinez, horizontalean,
eskuin aldera.
L5
(30 m, 10 aseguru, 5c). Sarreran bi
pasagunetxo fin dituen (bideko zatirik gogorrena; A0 modura egin daiteke) plaka
bertikal handia. Plaka zeharkatzen duen pitzadura horizontala gainditzerakoan,
bideak bertikaltasuna galtzen doa, azken metrotan oso etzana bihurtu arte.
Azken metroetan eskuin aldera egin behar da.
Jaitsiera:
Pintatutako marka urdinak jarraituz igo. Trepadatxo
bat izan ezik, igoera guztia oinez egiten da. Lau minututan Camí de les
Bateries izeneko bidean izango gara. Bertatik jaitsi behar da. Jaitsiera hasi
eta handik 10 min ingurura bihurgune estu batean ez egin ezkerrera eta bidetik
jaisten jarraitu. Behe behean, pinudi batetara irtengo gara. Bideak pinudia
zeharkatzen du eta ezkerrean olibondoak dituen pista batera eramango gaitu.
Pistatik jarraitu eta berehala bidegurutze batera iritsiko gara. Ezkerrera eginez
berehala gara kotxea utzi dugun tokian. Guztira 40 minutu inguruko jaitsiera.
Materiala: 10 zinta + bilgunerako
materiala. Friendsak eta fisureroak soberan daude.
Arroka: Kareharria
(konglomeratua).
Orientazioa:
Hegoa.
Iraupena: 2h15min.
Nork
ekipatua: Joan
Giraut, 2011.
1. igoera: Joan eta
Laia Giraut, 2011.
0 comentarios:
Publicar un comentario