Paraboltez ekipatutako bidea. Bigarren luzean 15
metro inguruko plaka batean aseguru bakarra dagoenez, friendsekin jokatu behar
da. Plaka apur bat etzana da eta pitzadura batek zeharkatzen du. Hori dela eta auto-babesteko
aukera nahikotxo daude.
Bidearen izena hormaren oinarrian margotuta dago.
Iristeko
eta hurbiltzeko: Ikus hurrengo sarrera.
L1
(35 m, 8 aseguru, 5b). Euste leku oneko plaka bertikala. Hasieran
apur bat zikina. Luze amaieran arroka nahiko pitzatua dago eta euste leku ugari
eta oso onak ditu, baina harkaitzarekin kontuz ibili behar da. Bilgunea erlaitz
handi batean.
L2
(30 m, 1 aseguru, 4b). Arroka trinkoz osatutako 15 m inguruko plaka
apur bat etzana. Plaka pitzadura batek zeharkatzen duenez erraza da friendsak
ipintzea. Aseguru bakarra plakaren erdi aldera (7-8 m). Plaka gainditu ondoren,
bilguneraino trepadatxo bat geratzen da soilik. Bilgunea aurkitzeko plakatik
irteterakoan ezker aldera jo behar da.
L3
(25 m, 4 aseguru, 4b). Arroka apur bat apurtua dagoen tokitik
trepadatxo bat hasieran. Erraza. Tarte hori gainditzerakoan plakatxo bat eta
ondoren grada batzuk. Amaieran ongi babestutako gilbortxo bat. Gilbortxoa
gainditzea da luzeko zailtasun esanguratsuena (pasagune 1).
Jaitsiera:
Bidetik rapelatuz. Erraza da sokak landaretzarekin
trabatzea. Beraz hobe da, nahiz eta 60 metroko bi soka izan, 3 rapel egitea.
Azken rapela 35 metrokoa denez, gutxienez 70 metroko soka sinplea beharko da.
Materiala: 8 zinta +
bilgunerako materiala. Friends joko bat bigarren luzerako (agian lehenengorako
ere erabilgarria izan daiteke bateren bat)
Arroka: Kareharria.
Orientazioa:
Hegoa
Iraupena: 1h15min.
Nork ekipatua: F. Suñol,
2011.
0 comentarios:
Publicar un comentario