 |
| Lehenengo luzea. |
Hurbiltzeko: Errepidearen
zubia igaro ondoren dagoen aparkaleku atzean dagoen bidea hartu. Chanbran 2h20
- Les Choulieres 1h50 jartzen duen bidea hartu. Pelvoux norabidea jarraitu.
Pixka bat aurrerago bidegurutze batekin egingo dugu topo. Le Draye aldera hartu. La Galeries modura
adierazitako bidezidorra jarraitu. Apur bat aurrerago harrizko mugarri bat
aurkituko dugu. Leku horretan bidea utzi eta basoan gora egiten duen
bidezidorra (ezkerrera) hartu behar da. Igoera motz, baina gogor batean
hormaren oinean utziko gaitu. Bidearen hasiera aurkitzeko, hormaren oina
jarraitu eskuin aldera eta terrazatxo moduko bat igo eta jaitsi ondoren,
ageriko espoloi baten eskuin aldean, lehenengo luzeko aseguruak ikusiko ditugu.
L1 (40
m , 10 aseguru, 4a). Espoloitxo bat eta ondoren horma txiki bat. Seigarren aseguruan bidea
bitan zatitzen da. Eskuineko lerroa jarraitu. Hasierako metroak apurtxo
lurrarekin zikinak, baina berehala hobetzen da gauza.
L2 (35
m , 11 aseguru, 4b). Horma bertikal baten azpian jartzeko 5 metro inguruko zeharkaldi
horizontal bat egin behar da ezkerrera. Hormak 6-8 metro ditu eta bertikala
izanik apur bat kanpora botatzen du, baina ongi babestua dago eta euste-leku
onak ditu. Ondoren goraka egiten zuen zeharkaldi bat plaka zeihar batetik
zehar. Plakaren erdian oinentzat oso erabilgarria den pitzadura bitxi bat dago.
L3 (25 m 8 aseguru, 4c). Bilgunetik
irteteko horma bertikal bat gainditu behar da. Kanpo aldera botatzen du, baina
euste-leku onak ditu eta ongi babestua dago. Ondoren espoloi baten erditik doan eta euste-leku eta
itsasgarritasunezko pasaguneren bat duen plaka bat.
L4 (15
m , 3 aseguru, 4a). Plakatxo bat espoloitxo batean.
L4bis.
Hurrengo bilgunea aurkitu arte 30
m oinez bidezidor batetik zehar.
L5 (30
m , 9 aseguru, 5a). Zutitzen doan plaka etzana. Arroka oso itsasgarria eta oso ongi babestuta
dagoen luzea. Espoloiera iristerakoan bertatik metro batzuk egin behar dira
bilgunera iristeko.
L6 (45 m , 12 aseguru, 4c). Kanal moduko
batek mozten dituen bi plakatxo. Gero diedro etzan bat eta jarraian hormatxo
bertikal bat. Terrazatxo moduko batera irteten da. Bilgunera iristeko hormatxo bat
gainditzea besterik ez da geratzen.
L7 (40
m , 2 aseguru, II). Hasieran grada moduko batzuk. Gero oinez igotzen da. Gure ezkerrean,
goian, ikusten diren hildako bi pinu handi aldera egin behar da, beraien alboan
baitago bilgunea.
Jaitsiera:
Pinuen ezkerrean bidezidor bat jaiotzen da. Hori jarraitu. Hasieran horizontala
da, gero behera egiten du, baina berehala berriro eskuinera egin gora egiten
du. Lepotxo moduko batera iristen da. Bertan destrepe txiki bat eginez basora
jaisten gara. Basotik doan bidezidorretik jaitsi eta harrizko plataforma handi
batera iritsiko gara. Bertan dago rapel instalazioa.
60 metroko sokekin, apur bat
desplomatzen duen rapel bat eginez, lurrera justu-justu iristen da (ezkerrera
apur bat penduleatzen metro pare bat irabazten dira). Erreferentzia originalak
dio tartean beste rapen instalazio bat dagoela eta bi rapeletan jaitsi
daitekeela, baina guk ez genuen ikusi. Ondoren bidezidorrari jarraitu eta
igoerako bidera iritsiko gara.
Materiala:
12 zinta + bilgunerako materiala. Arroka oso trinkoa denez friendsak eta
fisureroak soberan daude.
Arroka: Granito trinkoa.
Orientazioa: Hegoa.
Iraupena: 1h45min.
Lucas, Mattéo eta Celia
Guigliarelli, Hervé Gugliarelli, Karine Mazé, Pierre Olivier Blanc eta
Christiane Bonhomme, 2009.
0 comentarios:
Publicar un comentario