Arnad herrira hurbildu. Horma handiaren azpian gaudenean, gure eskuinean, jatetxe bat ikusiko dugu. Bertara sartu eta eskalatzaileentzat prestatuta dagoen aparkalekuan kotxea utzi. Jatetxearen komunak, txabola moduko batean, kanpoan daude. Justu aurrean harriztatutako bide bat jaiotzen da. Hori hartu eta 10 minutuko igoera baten ostean bidearen hasieran gaude. Pintatutako gezi handi bat eta plaka bat daude bidearen hasiera adierazten.
Lo Dzerby (5c, 445 m, derrigorrez 5a)
Bide
gomendagarria. Arroka trinko oso ona eta bidea oso ongi ekipatua. Neurrizko
zailtasuna. Luze zailenetan pasagune gogorrak oso puntualak dira eta oso ongi
babestuak daude. Laugarren luzea zoragarria. Arroka oso zimurra duen plaka
handi bat da non zailtasun handiena zein euste-leku hartzea den. Luze
horrengatik soilik pena merezi du bide osoa egitea.
Beste erreferentzia batzuk gehienezko
zailtasuna 5c-koa dela esaten duten bitartean (uste dut zuzena dela), bidearen
oinean dagoen plaka horretan gehienez 5a eta derrigorrez 5a-ko zailtasunak
adierazten ditu.
 |
| Bailararen itxura Aosta aldera. |
L1 (35 m, 9 aseguru, 4c). Euste-lekuak dituen plaka
bertikala hasieran. Gero apur bat etzanagoa den tarteko zati bat eta, azkenik,
hormatxo bat. Azken aseguruak apur bat aldenduago ipinita daude.
L2 (35 m, 1 aseguru, 4a). Bilgunearen ezkerrean
dagoen plaka oso etzanetik irten. Ia oinez igo (parabolt baten kaskilloa) eta,
nahiko goian, gilbortxo bat gainditu eta ondoren, bilgunera iristeko, luze
osoko aseguru bakarra duen azken diedrotxoa gainditu.
L3 (40 m, 8 aseguru, 4b). Bi plakatxo hasieran. Gero
hormatxo bat euste-leku onekin. Hori gainditu ondoren ezkerretik eskuinera
jotzen du bideak, plaka moduko batzuen zehar. Plataforma-terraza moduko batera
irtengo gara. Bertan gezi zuri handi bat pintatuta dago bilgunea non geratzen
den adierazten. Bilgunea oso eskuinera dago, sabaiaren azpian (alboan ipotx bat
dauka).
L4 (50 m, 11 aseguru, 5c). Irteerako sabaia
gainditzeko 4 metro
inguruko horma. Euste-leku onak, baina kanpora botatzen du (lehenengo asegurua
justu sabaiaren goialdean). Gero ezin konta ahala euste-leku eta erlaitz dituen
plaka handi bat. Hemen zailena zein euste-leku aukeratzea da. Bideak eskuinetik
ezkerrera jotzen du.
L5 (35 m, 8 aseguru, 5c). Aurreko luzearekin
alderatuta zailtasuna hemen luze osoan mantentzen da. Pasagune fin duen
plakatxo bat hasieran (A0 modura egiteko aukera), gero ezkerrera pasa eta
bigarren plaka bati ekin. Honek ere pasagune fin bat du. Espoloi moduko batetik
jarraitu eta euste-lekuak dituen azken horma bertikal bat gainditu behar da
bilgunera iristeko.
L6 (40 m, 3 aseguru, 3a). Adi ez ibiliz apur bat
galtzeko aukera duen luzea. Plaka eta terrazatxoetatik zuzen igo. Harkaitzean
pintatutako gezi zuriei jarraitu bide onetik joateko. Bigarren aseguruan
gaudela, gure gainean, haritz handi bat ikusiko dugu. Bilgunea bere eskuinean
dagoen erlaitz batean dago.
L7 (35 m, 5 aseguru, 4a). Gezi zuri handi bat horman
pintatuta bidea adieraziz. Euste-leku ugariko plaka oso zimurra. Oso polita.
Ondoren espoloitxo belartsu bat eta, azkenik, beste plaka oso etzana, hau ere
euste-leku askorekin.
L8 (40 m, 5 aseguru, 4c). Aurreko luzearen antzekoa.
Euste-leku asko dituen plaka. Zailtasuna zein hartzean dago.
L9 (40 m, 6 aseguru, 3c). Plaka etzana.
Bilgunetik
irten eta oinez 20 metro
inguru igo haritz batzuen azpira iritsi arte. Itzala ematen dion plataforma
handia. Parabot bat dago bilgunea osatzeko, baina lekua egokia da, nahi izanez
gero, gorputzera aseguratzeko.
L10 (35 m, 6 aseguru, 4a). Arroka trinkoz osatutako
kanal moduko bat hasieran. Laugarren aseguruan eskuinera pasa eta arroka
trinkoz osatutako gradetatik bilgunera hurbildu.
L11 (35 m, 4 aseguru, 3c). Arroka trinko eta zimurrez
osatutako grada eta plakak.
L12 (30 m, 4 aseguru, 3c). Aurreko luzearen antzekoa.
L13 (35 m, 5 aseguru, 3c). Aurreko luzeen antzekoa.
Jaitsiera: Azken bilgunerik eskuinera jo eta
gailurrera igo (puntu geodesiko bat dago bertan). Gailurretik ongi ikusten da
jaisteko bidea. Ordu laurden batean gotorlekuko tabernan garagardotxo bat
hartzen egon gaitezke (gotorlekua aterpea da ere). Gotorlekutik 5c zenbakia
duen bidea irteten da. Bide horrek, ordu erdi inguru irauten duen jaitsiera
gogor batean, errepidean utziko gaitu. Zati delikatuetan eskailera-mailak eta
kableak aurkituko ditugu. Kotxeraino, guztira, 50 minutu inguru.
 |
| Aterpe modura moldatu duten gotorlekua. |
Materiala: 11 zinta + bilgunerako materiala.
Friendsak eta fisureroak ez dira beharrezkoak.
Arroka: Gneis.
Orientazioa: Hego-mendebaldea.
Iraupean: 4h.
Nork ekipatua: Saniert, 2005.
0 comentarios:
Publicar un comentario