Grimsel - Tim und Struppi (5c, 400 m, derrigorrez 5a)

Gure asmoa Fieschetalera  eta bertatik Burghüte aterpera igotzea zen, bere inguruan bide luze eta errazak egitek aukera asko baitago, baina eguna nahiko lainotua argitzen da eta euria egiteko arrisku handia denez Grimselera itzultzea erabakitzen dugu.  
Oraingo honetan Räterichsbodensee-ko Seeplatten sektorera hurbiltzeko asmoarekin.Presa igaro ondoren, poste adierazlean, ezkerrera hartzen duzu eta 25 minututan lehenengo bideen hasieran gara.Gure bidea aurkitzeko zementuzko bigarren zubitxoa igaro baino metro 1 lehenago, horman, parabolt lerro bat hasten dela aurkituko dugu. Horman,  letra txikiz, bidearen izenaren hasiera margotuta dago (Tirn ...).  

Bidea horrela da. Plaka, plaka eta plaka.

Bidea amaiera gabeko plaka bat da. Plaka gehienak nahiko etzanak dira, baina oso leunak dira. Itsasgarritasunezko pasagune finak luze batzuetan. Honelako eskalada motara ohituta egon behar da bideaz disfrutatzeko.

L1 (35 m, 6 aseguru, 4a). Plaka.

L2 (50 m, 8 aseguru, 4b). Diedrotxo baten ezkerretik doan plaka hasieran. Eskuineko plakara pasa eta sabaitxo bat gainditu. Azken zatian plaka berriro bilgunera  iritsi arte.

L3 (30 m, 3 aseguru, 3a). Lehenengo zatia, ia luze erdiraino, oinez igotzen da. Gero trepada bat bilgunera iristeko.

L4 (40 m, 7 aseguru, 5a). Itsasgarritasunezko plaka. Hirugarren aseguruaren inguruan pasagune fin bat dago.

L5 (40 m, 8 aseguru, 5b).  Itsasgarritasunezko plaka. Seigarren asegurutik aurrera bideak oso eskuinera jotzen du. Goranzko zeharkaldia eskuin aldera, ia horizontalean, bilgunea aurkitzeko. Zeharkaldian pasagune fin batzuk. Oinetaz fidatu behar da.

L6 (50 m, 8 aseguru, 5b). ). Itsasgarritasunezko plaka. Ezkerretik eskuinera bideak C handi bat egiten du.

L7 (25 m, 6 aseguru, 5c). Plaka. Pasagune fina bilgunetik irteteko, baina gertu dagoen aseguruaren laguntzaz egin daiteke (A0). Gero alde batera eta bestera mugituz, plaka saihestuz, euste-leku onak aurkitzen dira eta luzea ez da oso zaila (ez aurrekoak baino zailagoa behintzat)

L8 (35 m, 5 aseguru, 5a). Plaka. Luzea eskuin aldera diagonalean igotzen da bosgarren asegurura arte. Hortik, bilgunea aurkitzeko, zuzen jo bost bat metro. Pasagune fina bilgunea igotzeko.

L9 (45 m, 7 aseguru, 4c). Plaka. Lehenengo 15 metroak asegururik gabe gilbortxoak dituen plaka etzan batetik zehar. Gero diagonalean igo eta, azkenik, zuzen bilgunera iristeko. Zati batzuetan arroka oso leuna glaziarra eta urarengatik.

L10 (50 m, 8 aseguru, 5b). Luze desberdinena hau dugu. Gilbortxo bat duen plaka bat hasieran. Gero, bi bloke handietara hurbiltzeko, eskuin aldera goranzko zeharkaldi bat egin behar da. Bloke horietara igo behar da. Azken zatia, bigarren blokearen gainean, berriro ere plaka.

Jaitsiera: Bidetik rapelatzen.

Materiala: 8 zinta + bilgunerako materiala. Friendsak eta fisureroak soberan.

Arroka: Granito trinkoa. Leku batzuetan oso leuna.

Orientazioa: Ekia.

Iraupena: 3h45min.

Nork irekia eta ekipatua: K. Röthlisberger, N. Scheletti, S. Keller, N. Keller, C. Allenbach, J. Straub eta J. von Känel, 2000.

Cambiar idioma (Castellano)